చిన్నారి జన్మదిన వేడుకల్లో ఏవీజీ ఫౌండేషన్ సేవా కార్యక్రమం
మహతి పుట్టినరోజు వేడుకల్లో సేవా సందేశం
ఏవీజీ ఫౌండేషన్ తరఫున రూ.2,116 నగదు బహుమతి
యాచారం (మన దిశ ): యాచారం మండలం మేడిపల్లి నక్కర్త గ్రామానికి చెందిన ఆడాల కుమార్, వరలక్ష్మి దంపతుల కుమార్తె మహతి జన్మదిన వేడుకలు కుటుంబ సభ్యులు, గ్రామ పెద్దలు, యువకుల సమక్షంలో ఆనందోత్సాహాల మధ్య నిర్వహించారు. ఈ సందర్భంగా చిన్నారి మహతికి పలువురు పుట్టినరోజు శుభాకాంక్షలు తెలియజేశారు.
కార్యక్రమానికి ఆడాల వరలక్ష్మి గణేష్ హాజరై చిన్నారి మహతిని ఆశీర్వదించారు. చిన్నారి భవిష్యత్తు సంతోషంగా ఉండాలని, ఆయురారోగ్యాలతో ఎదగాలని ఆకాంక్షిస్తూ పుట్టినరోజు శుభాకాంక్షలు తెలిపారు. అనంతరం ఏవీజీ ఫౌండేషన్ తరఫున ఆడాల వరలక్ష్మి గణేష్ చిన్నారి మహతికి రూ.2,116 నగదు బహుమతిగా స్వయంగా అందజేశారు.
చిన్నారుల పుట్టినరోజు వంటి శుభకార్యాలను సేవా కార్యక్రమాలతో ముడిపెట్టి నిర్వహించడం ద్వారా సమాజంలో మంచి సందేశం అందుతుందని ఈ సందర్భంగా పలువురు పేర్కొన్నారు. మహతి పుట్టినరోజు సందర్భంగా కుమార్ దంపతులకు అభినందనలు తెలియజేస్తూ, చిన్నారి మహతికి భవిష్యత్తులో మరిన్ని విజయాలు సాధించాలని ఆకాంక్షించారు.
ఈ కార్యక్రమంలో గ్రామ పెద్దలు, గ్రామ యువకులు పాల్గొన్నారు. ఉప సర్పంచ్ దెందు మధుకర్ రెడ్డి, సంపత్, సురేష్, లడ్డు తదితరులు హాజరై చిన్నారి మహతికి పుట్టినరోజు శుభాకాంక్షలు తెలిపారు. కార్యక్రమం ఆత్మీయ వాతావరణంలో కొనసాగింది.
