సద్దుల బతుకమ్మ సంబరాల్లో బుర్ర రేఖ మహేందర్ గౌడ్ సందడి
మహిళలతో కలిసి బతుకమ్మ ఆడిన మాజీ ఎంపీపీ.. తెలంగాణ సంస్కృతి, సంప్రదాయాలకు ఘనంగా నివాళి
అబ్దుల్లాపూర్‌మెట్: తెలంగాణ సంస్కృతి, సంప్రదాయాలకు ప్రతీకగా నిలిచే సద్దుల బతుకమ్మ పండుగ వేడుకలు అబ్దుల్లాపూర్‌మెట్ మండలంలో ఘనంగా నిర్వహించారు. ఈ సందర్భంగా నిర్వహించిన బతుకమ్మ ఉత్సవాల్లో మండల మాజీ ఎంపీపీ బుర్ర రేఖ మహేందర్ గౌడ్ పాల్గొని మహిళలతో కలిసి బతుకమ్మ ఆడి సందడి చేశారు.
తెలంగాణ ఆడపడుచులు అత్యంత భక్తిశ్రద్ధలతో జరుపుకునే బతుకమ్మ పండుగ మన సంస్కృతి, సంప్రదాయాలకు ప్రతిబింబమని ఈ సందర్భంగా పేర్కొన్నారు. మహిళలతో కలిసి బతుకమ్మ చుట్టూ ఆడి, పాటలు పాడుతూ పండుగ ఉత్సాహాన్ని పంచుకున్నారు. గ్రామీణ ప్రాంతాల్లో బతుకమ్మ పండుగకు ఉన్న ప్రత్యేకతను, మహిళల ఐక్యతను ఈ వేడుకలు చాటిచెప్పాయి.
ఈ సందర్భంగా మండల ప్రజలకు, మహిళలకు సద్దుల బతుకమ్మ పండుగ శుభాకాంక్షలు తెలిపారు. తెలంగాణ సంస్కృతి, సంప్రదాయాలను భావితరాలకు అందించేలా ప్రతి ఒక్కరూ పండుగలను ఘనంగా నిర్వహించాలని ఆకాంక్షించారు.
