ఎమ్మెల్సీ ఎన్నికలపై మంచాలలో బీఆర్‌ఎస్ ముఖ్య నేతల సమావేశం
ఎమ్మెల్సీ ఎన్నికలపై మంచాలలో బీఆర్‌ఎస్ నేతల మంతనాలు
మంచాల మండల కేంద్రంలో ముఖ్య నాయకులతో సమావేశం.. పాల్గొన్న బీఆర్‌ఎస్ రంగారెడ్డి జిల్లా అధ్యక్షులు, ఇబ్రహీంపట్నం మాజీ ఎమ్మెల్యే మంచిరెడ్డి కిషన్‌రెడ్డి
మంచాల (మన దిశ ): గ్రాడ్యుయేట్ ఎమ్మెల్సీ ఎన్నికల సందర్భంగా మంచాల మండల కేంద్రంలో బీఆర్‌ఎస్ పార్టీ ముఖ్య నాయకుల సమావేశం నిర్వహించారు. ఈ సమావేశంలో బీఆర్‌ఎస్ పార్టీ రంగారెడ్డి జిల్లా అధ్యక్షులు, ఇబ్రహీంపట్నం నియోజకవర్గం మాజీ శాసనసభ్యులు మంచిరెడ్డి కిషన్‌రెడ్డి పాల్గొని మండల ముఖ్య నాయకులతో సమావేశమై ఎమ్మెల్సీ ఎన్నికలకు సంబంధించిన అంశాలపై చర్చించారు.
ఈ సందర్భంగా మండలంలోని వివిధ గ్రామాలకు చెందిన పార్టీ ముఖ్య నాయకులు, కార్యకర్తలతో ఎన్నికల పరిస్థితిపై సమాలోచనలు నిర్వహించారు. గ్రాడ్యుయేట్ ఓటర్లతో సమన్వయం, ఎన్నికల కార్యక్రమాల నిర్వహణ, పార్టీ శ్రేణుల భాగస్వామ్యం తదితర అంశాలపై నాయకులతో మంచిరెడ్డి కిషన్‌రెడ్డి చర్చించారు.
ఎమ్మెల్సీ ఎన్నికల నేపథ్యంలో మండల స్థాయిలో పార్టీ నాయకులు సమన్వయంతో ముందుకు సాగాలని, ఎన్నికలకు సంబంధించిన కార్యక్రమాలను పకడ్బందీగా నిర్వహించేందుకు అవసరమైన కార్యాచరణపై సమావేశంలో చర్చించినట్లు తెలిపారు. నాయకులు తమ అభిప్రాయాలను, స్థానిక పరిస్థితులను మాజీ ఎమ్మెల్యే దృష్టికి తీసుకువచ్చారు.
ఈ సమావేశంలో మంచాల మండలానికి చెందిన బీఆర్‌ఎస్ పార్టీ ముఖ్య నాయకులు, కార్యకర్తలు తదితరులు పాల్గొన్నారు.
